Mapa físico de Europa onde se pode aprezar unha distribución das maiores alturas no sur do continente sendo a unidade do relevo máis extensa a chaira europea que arranca dende Francia e se estende ata Rusia.
A península ibérica ocupa o lugar suroccidental de Europa

A distribución dos climas temperados en Europa revela un dominio do clima continental e, na parte occidental, o clima temperado oceánico. O clima mediterráneo concéntrase fundamentalmente en gran parte da península ibérica e países ribeireños ao mar Mediterráneo.

Coordenadas xeográficas en España. Vendo eses datos, o territorio peninsular e as Baleares así como as cidades autónomas de Ceuta e Melilla, no norte de África, ubícanse, en latitude, na parte meridional da zona temperada do hemisferio norte. Esta posición ten unha enorme  trascendencia para explicar a variedade de ecosistemas toda vez que somos un territorio de  transición entre o clima tropical desértico e os climas propiamente temperados. A aridez é unha realidade no surleste peninsular que se vai estendendo de forma progresiva pola parte meridional do país. Canarias ten as características dun clima subtropical mediatizado pola súa posición sobre o Trópico de Cáncer e o seu emprazamento no Atlántico por onde pasa unha corrente fría que suaviza as súas temperaturas. Na mesma latitude está o deserto do Sahara que se deixa sentir especialmente nas illas orientais do arquipiélago.
En lonxitude o territorio español repártese entre o hemisferio oriental, no cadrante noroccidental da península, e o hemisferio occidental. 

Políticamente España está integrada na Unión Europea onde é un dos países máis extensos e o cuarto máis poboado. España actúa como interlocutor da UE no contexto da política latinoamericana e trata de manter boas relacións cos países do Magreb toda vez que son claves para regular os fluxos migratorios.
Deste xeito podemos distinguir unha política exterior que se vertebra en torno a catro zonas:

•  A Unión Europea: o ámbito xeográfico máis intenso das relacións exteriores españolas. A súa integración é económica nunha área de libre comercio, pero ademáis hai unha converxencia política visible na harmonización da lexislación española ás directivas europeas.
• O Mediterráneo e o norte de África. A súa proximidade xeográfica, a súa vinculación histórica e a necesidade de asegurar a estabilidade e a prosperidade da zona levan ao noso país a respaldar os pasos que se dean no proceso democratizador dos países do Magreb. A política exterior traballa para garantir os dereitos humanos, a cooperación na loita contra o tráfico de droga, armas e persoas migrantes, e promover unha colaboración no  desenvolvemento económico da zona.
•  Iberoamérica: os obxectivos con este ámbito son explotar en beneficio mutuo as oportunidades económicas que ofrece este territorio, co fomento das relacións institucionais a un maior nivel, así como a ampliación do comercio e dos investimentos.
• USA:  O feito de pertencer á OTAN dende 1981, a posición estratéxica de España que espertou, no contexto da Guerra Fría,  o interese dos norteamericanos pola instalación de bases militares en territorio peninsular e o feito de ser un país occidental e capitalista crea a España unha relación de amizade e de aliado político con USA.  

Neste século incrementouse a relación cos países denominados BRICS (Brasil, Rusia, India, China e Sudáfrica). 

Estes países convertéronse en destinos prioritarios para España polo seu potencial de crecemento e polos seus proxectos infraestruturais. Para isto, intensificáronse as súas relacións diplomáticas e económicas, se ben, no caso de Rusia, a raíz do conflito con Ucrania, estas quedaron curtadas como unha forma de plasmar a disconformidade coa política rusa.

Outros ámbitos das relacións internacionais e de investimentos de España teñen como escenario o Próximo Oriente, países asiáticos e do Pacífico así como a África Subsahariana toda vez que a inestabilidade desta área xera unha enorme corrente migratoria cara Europa que acaba en traxedia nas costas españolas.